Гавьяат тамирчин Н.Төгсцогт АНУ-ыг зорьж, мэргэжлийн боксын холбоотой таван жилийн гэрээ хийж, гарын үсэг зурсан билээ.

Тэрбээр боксын спортод 30 гаруй жил амьдралаа зориулсан дасгалжуулагч Жо Гуссений удирдлагад Лос-Анжелес хотын Ван Найс дүүрэгт орших “Ten Goose Boxing Gym” клубт бэлтгэлээ үргэлжлүүлэн базаасны эцэст энэ долоо хоногт анхны тоглолтоо хийхээр болжээ.

“King Tugsu” хэмээх рингний нэртэй  болсон түүнтэй тоглох өрсөлдөгч тамирчных нь нэр одоогоор тодорхойгүй байна.

Es news-ийн сурвалжлагч Элли Секбэч хийж, youtube.com-д байршуулсан түүний 15 секундэд 130 цохилт хийсэн бичлэгийг үзээд хүмүүс анхны тулаанаа хэрхэн хийхийг нь харах гэж тэсэн ядан хүлээж буйгаа  илэрхийлсэн байна.

                                                                                                                         Г.Золзаяа