Дэлхий дахиныг түгшээж буй үхлийн аюулт Эбола вирусын тархалт намжиж байгаа мэдээлэл ирсээр байгаа. Гэсэн хэдий ч Сьерра Лион улсын дэд ерөнхийлөгч нь хүртэл эболагийн халдвар авсан талаарх мэдээлэл дэлхий дахины анхаарлын төвд байна. Сьерра Лион улсын дэд ерөнхийлөгч Сэм Сумана өнгөрсөн амралтын өдрүүдэд өндөр халуурч тусгаарлагдсан бөгөөд шинжилгээгээр халдвар авсан болох нь тогтоогджээ. Түүний бие хамгаалагч болон тогооч нь Эболагийн халдвараар нас барсны дараахан түүнд өвчний шинж тэмдэг илэрч эхэлсэн байна. Түүнийг Их Британийн эмч нар эмчилж байгаа аж.