Өдөрт тогтмол 2 цаг орчим зурагт үзэх нь хүүхдийн цусны даралтыг нэмэгдүүлэх эсрдэлтэйг Дэйли телеграф агентлаг мэдээллээ. 5000 хүүхэд хамруулсан Их Британийн Глазговын их сургуулийн судалгаагаар зурагтын өмнө 2  цаг суудаг  10 хүүхдийн 1 нь цусны өндөр даралттай байсан бөгөөд хожим энэ нь зүрх судасны өвчлөл үүсгэх эрсдэлтэй аж. Тодруулбал, багадаа цусны даралт өндөртэй байх нь насанд хүрсэн хойноо ч даралт ихтэй байх, зүрх судасны өвчлөлд өртөх эрсдлийг нэмдэг гэж мэргэжилтнүүд дүгнэжээ. Мөн багаасаа зурагтын өмнө олон цагаар сууж, плэйстэйшн тоглож хөдөлгөөн багатай  амьдралын  хэмнэлд дассан бол насанд хүрсэн хойноо ч идэвхитэй дасгал хөдөлгөөн хийж суралгүй байсаар өөрийгөө өвчлүүлдэг гэж үзжээ.

Их Британид 5-18 насны хүүхдүүдийг өдөрт  хамгийн багадаа 1 цаг идэвхитэй хөдөлгөөнтэй байхыг зөвлөдөг байна.