Монголын загасчлалын спортын холбооноос жил бүр зохион байгуулдаг Мөсний загасчлалын УАШТ энэ долоо хоногийн амралтын өдрүүдэд Дархан-Уул аймагт “Мөсний загасчлал-2015” нэрийн дор зохион байгуулагдана.

Олон улсын загасчлалын спортын дүрмийн дагуу явагддаг энэ тэмцээнд Улаанбаатар, Дархан, Эрдэнэт, Булган, Төв, Сэлэнгэ, Хөвсгөл зэрэг аймгийн 50 гаруй тамирчин оролцох юм.

Эхний байрт шалгарсан тамирчид Монголын загасчлалын спортын холбооны шигшээ багийн бүрэлдэхүүнд орох юм.

Мөн “Мөсний загасчлалын дэлхийн аварга” шалгаруулах тэмцээн гуравдугаар сарын 23-29-нд Финланд улсын Куопио хотод зохион байгуулагдахад Монголоос зургаан тамирчин  эх орноо төлөөлөн оролцоно.

                                                                                                                          Г.Золзаяа