Монголын туялзуур сэлэмний холбооны өсвөрийн шигшээ багийн тамирчид Арабын Нэгдсэн Эмират Улсын Абу Даби хотод энэ сарын 28-наас гуравдугаар сарын 9-нд болох Азийн өсвөр (U17), залуучуудын (U20) аварга шалгаруулах тэмцээнд оролцохоор эх орноосоо мордлоо.

Тэмцээнд 38 улсын 1000 гаруй тамирчин өрсөлдөх юм. Монгол Улсаас МТСХ-ны Удирдах зөвлөлийн гишүүн С.Дэмчигээр ахлуулсан баг оролцох нь.

Багийн бүрэлдэхүүнд дасгалжуулагч Д.Ганбаатар, Александр Ровнягин, тамирчин Э.Нямлхагва (улсын залуучуудын хошой аварга), Э.Бат-Эрдэнэ (Өсвөрийн улсын аварга, Т.Анарсайхан (Өсвөрийн улсын аварга, Гуанжоугийн олон улсын тэмцээний хүрэл медальт), Э.Энхтулга (Гуанжоугийн олон улсын тэмцээний мөнгөн медальт), Б.Амарболд (Азийн хүүхдийн наадмын шилдэг 16) нар багтжээ.

                                                                                                                                    Г.Золзаяа