БНХАУ нэг хүүхдийн бодлого баримталдаг ч сүүлийн 10 жилийн хугацаанд хүн амын өсөлтийн хэмжээ хамгийн дээд цэгтээ хүрчээ. Өнгөрсөн онд л гэхэд тус улсын хүн ам долоон саяар нэмэгдсэн байна. Энэ нь өмнөх жилүүдийн мөн үеийнхтэй харьцуулахад 5,8 хувь нэмэгдсэн  үзүүлэлт юм. Ингэснээр Хятад улсын хүн амын тоо 1,3 тэрбумд хүрчээ. Одоогийн байдлаар тус улсын хүн амын 15 хувь нь хөдөлмөр эрхлэх наснаас давсан буюу тэтгэврийн хүмүүс байдаг бөгөөд 2060 он гэхэд энэ хэмжээ нь 25 хувь болж өсвөл тус улсын эдийн засагт томоохон хүндрэл үүсч болзошгүй байгаа юм байна.  Өнгөрсөн онд тус улсад 16.9 сая төрөлт, 9.8 сая нас баралт бүртгэгджээ.