ЮНЕСКО-гийн Соёлын биет бус өвийн конвенцийн Засгийн Газар хоорондын хорооны ээлжит IX хуралдаан Парис хотод болжээ. Энэ хурал дээр 50 орчим соёлын биет бус өвийг бүртгэхээр хэлэлцсэний нэг нь Монголын шагайн харваа байв.

Тэгвэл шагайн харвааг ЮНЕСКО-д бүртгүүлсэн батламж гардуулах ажиллагаа өнөөдөр Улсын Дуурь Бүжгийн Эрдмийн Театрт болно. Дэлхийн биет бус соёлыг ЮНЕСКО-д  хамгийн олноор нь БНХАУ, Япон, БНСУ бүртгүүлсэн байна.

Манай улс хойшид монгол гэр, морь, тэмээн болон сарлагийн поло, үхэр тэрэг, үндэсний сурын харваа, хурдан морины уралдаан, аварга динозаврын яс, Хүннү гүрний булшны ховор олдворууд зэрэг соёлын өвөө ЮНЕСКО-д бүртгүүлэхээр зорьж байгаа билээ. 

                                                                                                                       Г.Золзаяа