Уг хуулийг хэрэгжүүлэх зорилгоор НИТХ-ын Тэргүүлэгчдийн тогтоолоор “Нийслэлд авто тээврийн хэрэгслийн бүртгэл, төлбөрийн тогтолцоог шинэчлэн нэвтрүүлэх журам”-ыг баталсан. Шинэчилсэн журмын дагуу  Авто тээврийн хэрэгслийн албан татвар, төлбөр хураах ажлыг улсын дугаарын сүүлийн тооноос хамаарч төлөхөөр зохицуулалт хийлээ.
Тодруулбал, жолооч таны автомашины улсын дугаар :

Журам батлагдсантай холбоотой тээврийн хэрэгсэл эзэмшигч, жолооч нарт зориулан автомашины татвар, төлбөрөө хаана хандаж, хэрхэн тушаах, хэдэн төгрөг төлөх талаар өнөөдөр хэвлэлийн бага хурал хийж холбогдох албаныхан мэдээлэл хийлээ. Энэ үеэр Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал “Иргэд автомашины улсын дугаараас хамаараад саруудад хуваагдан төлөх нь  хуулийн дагуу 06-р сарын 01-нээс өмнө буюу хугацаа дуусахаас өмнө банкууд, оношлогооны цэгүүдэд үүсдэг дараалал, ачааллыг бууруулах бөгөөд иргэд цаг хугацаа алдалгүй төлөлтөө хийх боломжтой болж байгаа юм. Энэ жилийн хувьд нэг, хоёр дугаар сард төлөх жолооч нарын төлөлтийн хугацаа дууссан ч зургаа дугаар сарын 1-нээс өмнө нөхөж төлөх боломжийг олгож байна.  Бас та 4,5 сард төлөх ёстой бол өмнө нь буюу 3 сард ч татвараа төлөх бүрэн боломжтой. Мөн  журмын 3.6 болон 3.7 заалтад зааснаар Нийслэлд бүртгэлтэй, хөдөө орон нутагт уул уурхайд ажиллаж байгаа том оврын ачааны авто машинууд албан татвар, агаарын бохирдлын төлбөрийг нийслэлийн татварын холбогдох дансанд төлнө. Авто тээврийн хэрэгслийн эзэмшигч этгээд нь тухайн онд импортоор оруулж ирсэн тээврийн хэрэгслийг улсын бүртгэлд бүртгүүлэхдээ үлдсэн хугацаанд ногдох татвар,төлбөрийг төлсөн байна. Мөн энэ жил олон жил оношлогооонд ороогүй эвдэрсэн автомашиныг торгуульгүй оношлогоонд оруулна” гэдгийг онцлон хэллээ.
Мөн энэ журмаар өмнө нь зөвхөн Улаанбаатар банк оношлогооны цэгүүд дээр байршин үйл ажиллагаа явуулдаг байсан. Одоо Ухаалаг Улаанбаатар хөтөлбөрийн хүрээнд “Smartcar” мэдээллийн системийн хэрэглээг өргөжүүлж, нийслэлд бүртгэлтэй, идэвхитэй тээврийн хэрэгслийн нэгдсэн санг үндэслэн нийслэлийн Мэдээллийн технологийн газар, Татварын алба арилжааны банкуудтай хамтран авто тээврийн хэрэгслийн албан татвар, төлбөрийг онлайн, интернет, мобайл банкаар шууд төлдөг тогтолцоонд шилжүүлснээр иргэд аль ч нөхцөлөөр төлөх боломжийг бүрэн хангалаа. Хэрэв заасан хугацаанд татвараа төлөөгүй тохиолдолд Замын цагдаагийн алба нь өөрийн эрх хэмжээ, хуулийн хүрээнд авто тээврийн эзэмшигчдэд хариуцлага тооцож, замын хөдөлгөөнд оролцуулахгүй байх хүртэл холбогдох хууль тогтоомжид заасны дагуу арга хэмжээ авна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

 

№	Авто тээвэрийн болон өөрөө явагч                       хэрэгсэлийн төрөл	Албан татварын хэмжээ /төгрөгөөр/
1	2 дугуйтай мотоцикл	2 500
2	3 дугуйтай мотоцикл	4 000
3	Суудлын авто машин:   а/ 2001 см3 хүртэл б/ 2001-3001 см3 хүртэл в/ 3001 см3 болон түүнээс дээш	/Цилиндрийн багтаамжийн нэг см3 тутамд төгрөгөөр/ 24 27 33
4	Микробус /15 хүртэл суудалтай/	50 000
5	Автобус	62 400
6	Ачааны машин: 1/ 1 хүртэл тооны даацтай 2/ 1-2 тн-ын даацтай 3/ 2-3 тн-ын даацтай 4/ 3-5 тн-ын даацтай 5/ 5-8 тн-ын даацтай 6/ 8-10 тн-ын даацтай 7/ 10-20 тн-ын даацтай 8/ 20-30 тн-ын даацтай 9/ 30-40 тн-ын даацтай 10/ 40-50 тн-ын даацтай 11/ 50-60 тн-ын даацтай 12/ 60-70 тн-ын даацтай 13/ 70-80 тн-ын даацтай 14/ 80-90 тн-ын даацтай 15/ 90-100 тн-ын даацтай 16/ 100-тн-оос дээш даацтай	30 000 45 000 55 000 75 000 120 000 135 000 150 000 210 000 270 000 330 000 420 000 480 000 540 000 600 000 660 000 720 000
7	Тусгай зориулалтын автомашин	16 000
8	Трактор, өөрөө явагч бусад хэрэгсэл	18 000
9	Бага оврын трактор	8 000
10	Чиргүүл / даацын 1 тонн тутамд /	8 000

 

 

Авто тээвэр Болон өөрөө Явагч хэрэгслийн ангилал	Бензин хөдөлгүүртэй		Дизель хөдөлгүүртэй	Жилд ногдуулах Төлбөр ( төгрөгөөр )
	СО2  хийн Ялгарал(г/км)	СО2  (%)	Хөдөлгүүрийн багтаамж(см3)
А	121-180	5.5-8.0	1500 хүртэл	1800
Б	181-250	8.1-10.5	1501-2500	2100
В	251-350	10.6-12.0	2501-3500	3500
Г	351-500	12.1-13.5	3501-4500	5000
Д	501-750	13.6-14.5	4501-5500	7500
Е	751-ээс дээш	14.6-ээс дээш	5501-ээс дээш	9500

 

№	Тээврийн хэрэгслийн ангилал		Хувь хэмжээ
1	Суудлын	Такси	30000
2		Бусад /2000 см3 хүртэл/	20000
3		2001-3000	30000
4		3001 дээш	40000
5	Ачааны	1 тн хүртэл	40000
6		1-2 тн	45000
7		2-3 тн	50000
8		3-5 тн	55000
9		5-8 тн	60000
10		8-10 тн	65000
11		10 тн-с дээш	70000
12	Автобус	15  хүртэл	40000
13		15-аас дээш	60000
14	Цистерн		50000
15	Тусгай		40000
16	Чиргүүл		30000
17	Механизм	Тээвэрүйлчилгээний	60000
18		Технологийн	60000
19		Багаоврын	30000
20	Мотоцикл,          мопед	2 дугуйт	10000
21		3 дугуйт	10000
	НИЙТ ДҮН

 

АТБӨЯХ-ИЙН АЛБАН ТАТВАР, АГААРЫН БОХИРДЛЫН
ТӨЛБӨР, АВТОЗАМ АШИГЛАСНЫ ТӨЛБӨР ХУРААХ
НЭГ ЦЭГИЙН ҮЙЛЧИЛГЭЭНИЙ БАЙРШИЛ