Сар шинийн баярын үеэр цагдаагийн байгууллагад гэмт хэргийн шинжтэй 149 дуудлага мэдээлэл хүлээн авч 129 гэмт хэргийн эзэн холбогдогчийг олж тогтоожээ. Мөн галын дуудлага  цөөнгүй ирж 5 айл орох оронгүй болсон  байна. Тэгвэл галын аюулын үеэр цагдаагийн албан хаагчид хүний амь нас аварсан тохиолдол баярын үеэр мөн  болжээ. Баянгол дүүргийн цагдаагийн 2-р хэлтсийн хэв журмын офицер  Б.Ганхүү,  Н.Наранхүү нар үүрэг гүйцэтгэж байгаад тус дүүргийн 13-р хорооны нутаг дэвсгэрт айлаас гал гараад байна гэсэн дуудлагын дагуу шалгахад иргэн Г согтуугаар хоол хийж байгаад гал алдсан байсан  аж.

Цагдаа нар угаартах гэж байсан иргэн Г-г түргэн тусламж дуудан эмнэлэгт хүргүүлснээр амь насыг нь аварч чадсан  байна.
Иргэний амь насыг аварсан алба хаагч нартаа ажлын амжилт хүсье.