Украины барууны талыг баримтлагч, тус улсын хувьсгалын эхлэлийг тавьсан Евромайден хөдөлгөөний нэг жилийн ойг тохиолдуулсан жагсаалын үеэр террорист халдлага болжээ.

Өчигдөр үдээс хойш эхэлсэн халдлагын үеэр томоохон хэмжээний дэлбэрэлт болж хоёр хүн амь үрэгдэж, 10 гаруй хүн бэртэж шархдсан байна. Албаны хүмүүсийн мэдээлснээр террорист халдлагыг зохион байгуулсан хэрэгт Украины иргэншилтэй дөрвөн хүнийг сэжиглэж байгаа гэнэ.

Эх сурвалжууд гэмт этгээдүүдийг ОХУ-ын Белгород хотоос зааварчилгаа авч улмаар галт зэвсэгтэй Украины хил нэвтэрсэн гэж сэжиглэж байгаа юм байна. ОХУ болон Украины засгийн газрын зүгээс хэд хэдэн бүсэд гал зогсоох хэлэлцээр хийсээр байгаа боловч төдийлөн амжилт олохгүй байгаа хэвээр байна.