Үүнийг АНУ-ын урлаг судлалын хүрээлэнгээс тогтоосон бөгөөд энэ сэдвээр тайлан гаргаж олны хүртээл болгохоор ажиллаж байгаа гэнэ. Уг нээлт нь судлаачдыг ч алмайруулж байгаа төдийгүй туршилтын үр дүн нь тэдний бодож байснаас өндөр гарчээ. Бид дуртай дуугаа сонсож байхад тархи амрах горимдоо шилжиж, тайван болсон байдаг. Энэ үед гаднаас орж ирсэн мэдээллийг хүлээж авахад маш идэвхитэй байдаг гэнэ. Судлаачид 210 сайн дурын залууст энэхүү туршилтыг хийж, тэднийг хамгийн дуртай гурван дуугаа сонсож байх хугацаанд шинэ үг болон дууны үгийг цээжлүүлэхэд тэд шинэ үгсийн 80 хувийг тогтоосон байжээ. Харин дургүй хөгжмийн урсгалыг нь сонсгож байхдаа цээжлүүлсэн үгсийн ердөө 30 хувийг л тогтоосон байна. Тиймээс АНУ-ын урлаг судлалын хүрээлэнгээс хөгжмийг сурах үйл явцад сайтар ашиглахыг санал болгож байна.