Байт харвааны шигшээ багийн тамирчдыг дасгалжуулахаар БНСУ-ын мэргэжилтэн Ким Сек Кион Монголд хөл тавилаа.

1996 оны Залуучуудын ДАШТ-ий аварга болж байсан тэрбээр Монголын үндэсний шигшээ багтай нэг жилийн гэрээ байгуулан ажиллахаар болсон байна. Монголын тамирчдыг 2016 оны Рио Де Жанейрогийн зуны олимпод эрх авахуулж, амжилт гаргуулах нь түүний гол зорилго аж.

Монголын байт харвааны холбооны шигшээ багийн дасгалжуулагч Нарантуяа, Ганзориг нар ийн тамирчдаа Азийн шилдэг дасгалжуулагчид даатгалаа.

                                                                                                                     Г.Золзаяа