Монголчууд дэлхийн дүрслэх урлагийн олимп болох Венецийн биеннальд энэ жил анх удаа оролцох гэж буй. Хоёр зураач сонгогдон бэлтгэлээ базааж байна.

Улаанбаатар хотын захирагч Э.Бат-Үүл тэдний үйл ажиллагааг дэмжихийг байгууллагуудад уриалснаар Монгол уран бүтээлчдээ дэмжих хүсэлтэй компаниуд тодорчээ.

Зураачид ирэх дөрөвдүгээр сард Италийг зорих аж. Э. Бат-Үүл даргын эх орныхоо дүрслэх урлагийн салбарыг дэмжиж, санхүүжилт олоход нь тусалсныг  сонсоод  Иоко Оно түүнд хандан захидал илгээн талархсанаа илэрхийлсэн байна.

“Битлз” хамтлагийн дуучин Жон Ленноны гэргий гэдгээрээ олны танил болсон тэрбээр Венецийн биенналиас шагнал хүртэж байсан түүхтэй.

                                                                                                                      Г.Золзаяа