Монголын “Аура энерги” төвийн тэргүүн Б.Сарандаваа 2015 оны 2 дугаар сарын 8-ны өдөр Хорих 411 дүгээр ангийн хүмүүжигч хүүхдүүдтэй уулзаж, сургалт зохион байгуулжээ. Тус арга хэмжээнд Монголын “Аура энерги” төвийн гишүүн Ц.Бадам-Очир, Ж.Оюун-Эрдэнэ, зохицуулагч Г.Аюурзана, дуучин н.Баасандорж, н.Буяндэлгэр, “Монголын хуулчдын холбоо”-ны гишүүн өмгөөлөгч Ц.Дэлгэрням нар оролцов.

Хорих ял эдэлж буй хүүхдүүдэд дуучин н.Баасандорж, н.Буяндэлгэр нар ая дуугаа өргөж, өмгөөлөгч Ц.Дэлгэрням хууль, эрх зүйн талаар яриа, таниулга хийж, тэдний сонирхсон асуултад хариулжээ. Уг арга хэмжээний үеэр хорих ял эдэлж буй нийт хүмүүжигчдэд хуулийн чиглэлийн 30 гаруй ном хандивлаж, гарын бэлэг гардуулсан байна.