Монгол Улсад төрийн байгууллагуудаас анх удаа Чанарын удирдлагын тогтолцооны олон улсын ISO 9001:2008 стандартыг Нийгмийн даатгалын ерөнхий газар үйл ажиллагаандаа хэрэгжүүлэн ажиллаж байгаа юм. Тус олон улсын стандартыг орон нутгаас анхлан Дорнод аймгийн Нийгмийн даатгалын хэлтэст хэрэгжүүлэхээр төлөвлөж энэ сарын зургаанд нээлтийн арга хэмжээ болжээ. Уг ёслол дээр НДЕГ-ын дарга Ц.Уртнасан ISO-гийн тугийг гардуулан өгсөн байна. Ингэснээр иргэд олон улсад хүлээн зөвшөөрөгдсөн чанартай үйлчилгээг авах боломжтой болох юм.