Дугуйн эрэгтэйчүүдийн ганцаарчилсан бөөний гарааны 182 км-ийн уралдаанд ОУХМ А.Алтансүх 24 орны 48 тамирчинтай хурд сорьж, эхний найман тойрогт уралдааныг тэргүүлж явсан ч сүүлийн хоёр тойрогт хөлийнх нь судас бүдүүрч, шөрмөс нь татсаны улмаас 15 байрт шалгарч тэмцээнээ өндөрлөсөн.

Манай дугуйчин тэмцээнээ дуусгасны маргааш дасгалжуулагч Ж.Өлзий-Оршихын хамт Сөүлийг зорьж, хөлөндөө хагалгаа хийлгэжээ. Түүнд хагалгаа амжилттай хийсэн мэс заслын эмч Триатлоны спортоор хичээллэдэг тамирчин байжээ. Өмнө нь багшийнх нь найз БНСУ-ын иргэн, дугуйн спортын дэлхийн алдартай тамирчин хөлөндөө гэмтэл авч энэ эмчээр эмчилгээ хийлгэж байсан аж. Сөүлийн эмнэлэгт 10 сая төгрөгөөр хагалгаа хийлгэн, эмчлүүлж буй А.Алтансүхийн бие сайжирч байгаа гэнэ.

                                                                                                                                                                Г.Золзаяа