Унгар улсын Дебрецен хотод Иштван Бочкаин нэрэмжит Олон улсын “А” зэрэглэлийн 59 дэх удаагийн тэмцээн энэ сарын 4-7-нд болж өндөрлөлөө.

Энэхүү тэмцээнд эх орноо төлөөлж эрэгтэйчүүдийн шигшээ багийн найман тамирчин хүч үзсэнээс 48 кг-ийн жинд оролцсон ОУХМ Г.Ган-Эрдэнэ мөнгө, 52 кг-ийн жинд спортын мастер А.Нурлан хүрэл, 56 кг-ийн жинд ОУХМ Э.Идэрхүү алт, 64 кг-ийн жинд ОУХМ Б.Чинзориг алт, 69 кг-ийн жинд ОУХМ Б.Түвшинбат алт, 81 кг-ийн жинд С.Эрдэнэбаяр хүрэл медаль тус тус хүртлээ.

Унгараас Монголын шигшээ багийн тамирчид 3 алт, 1 мөнгө, 2 хүрэл медалийн амжилтаар тэмцээнийг өндөрлүүлж, 20 орноос багийн дүнгээр тэргүүн байр эзэлсэн байна. Тус тэмцээний шилдэгийн шилдэг  Э.Идэрхүү шалгарсан байна.    

                                                                                                                                Г.Золзаяа