12 настай, дауны синдромын эмгэгтэй Мэдисон Тевлин охины дуулсан “All of me” дуу дэлхий дахиныг гайхашруулж байна. Учир нь Дауны синдромтой хүн булчин сулралтай байдаг учраас хоолойны булчин, хөвчийн ажиллагаа нь дуу дуулах нь битгий хэл чангахан ярихад ч хэцүү байдаг гэнэ. Тиймээс энэ төрлийн өвчтэй хүүхдүүд маш сул, цаана дуугардаг. Гэтэл Мэдисон охин гайхалтай хоолойтой төдийгүй өөрийгөө дайчлан чин сэтгэлээсээ дуулж байгаа нь хүн болгонд урам, хайр, эрч хүчийг мэдрүүлж чаджээ. Мэдисоны дуулж буй бичлэг Youtube-д тавигдаад хоёрхон 7 хоногийн дотор 5,2 сая хандалт авч чадсан байна.