МЗЭ-ээс уламжлал болгон болдог оны шилдэг яруу найраг, шилдэг шүлэгчийг тодруулдаг утга уянгын их наадам “Болор цом” анх 1983 онд зохиогдсон цагаас хойш өдгөө 32 дахь жилийнхээ нүүрийг үзэх буй.

Найргийн наадам энэ сарын 13, 14-нд Төв аймгийн Зуунмод суманд болох гэж байгаа. Энэ жилийн наадамд өрсөлдөх найрагчдын бүтээлийг МЗЭ дээр хүлээн авч эхэлжээ.

Наадмын хүрээнд шилдэг 32 яруу найрагч шалгаруулах бөгөөд шилдэг найрагчдыг Зуунмод сумын тайзнаа бүтээлийг нь уншуулах гэнэ.

"Болор-цом" наадам өмнө нь Дархан-Уул, Орхон, Архангай, Өвөрхангай аймагт зохион байгуулж болж байв.

                                                                                                                                 Г.Золзаяа