"Чонон сүлд" Олон Улсын кинонд дүрээ мөнхөлсөн жүжигчин Р.Анхням киноныхоо нээлтэд оролцоод эх орондоо өнөөдөр хөл тавина.

Түүнийг ирэхтэй холбогдуулж "Монголын тайз дэлгэцийн мэргэшсэн жүжигчдийн холбоо"-ны гишүүд, жүжигчид хүндэтгэл үзүүлж "Чингис хаан" Олон улсын нисэх онгоцны буудал дээр угтан авах гэнэ.

Оскарын шагналт Францын нэрт найруулагч Жан-Жак Анногийн найруулсан “China Film Group”-ийн бүтээл "Чонон сүлд" кинонд тэрбээр тоглосон билээ.

Өмнө нь ӨМӨЗО-ны “Гаадан мээрин” кинонд тоглож,  франц найруулагчийн нүдэнд өртсөн гэдэг. Ийн "А" зэрэглэлийн киноны гол дүр бүтээсэн түүний  өмсөх хувцсыг  Монголын "Exclusive" компани зөвхөн өөрт нь зориулан урлаж бэлэг барьжээ.

                                                                                                                                  Г.Золзаяа