Вашингтонд төвтэй Като институтээс Венесуэлийг дэлхийн хамгийн зүдэрсэн улсаар  тодруулжээ. Тус төвөөс дэлхийн 108 улсын эдийн засгийн чадамжийн үзүүлэлт дээр тулгуурлан судалгаа явуулсан бөгөөд инфляци, зээлийн хүү, ажилгүйдэл болон нэг хүнд  ногдох  ДНБ-ий хэмжээг харьцуулсан дүгнэлт хийсэн байна.  Венесуэл 106,3 гэсэн үзүүлэлтээр уг жагсаалтын нэгдүгээрт бичигдсэн бөгөөд 2013 онд ч мөн энэ жагсаалтад тэргүүлж байсан юм. Бүтээгдэхүүний үнэ хэт өндөр нь хасах оноог авчирч буй тус улс дараагийн улсаас даруй 40 орчим оноогоор илүү оноотой байв.  Дайн самуунтай байгаа Украйн, Сири улс жагсаалтын толгойд бичигдсэн бөгөөд өмнө нь  Украйн улс гэхэд 19 дүгээр байрт эрэмбэлэгдэж байсан ч ийнхүү огцом байр урагшилжээ.

Хамгийн амьдрахад таатай, ажилгүйдэл бага, инфляцийн өсөлт бага улсын тоонд Бруней, Швейцари, Хятад, Тайвань болон Япон улс багтжээ.   

Жагсаалтын эхэнд  бичигдсэн 29 улсын нэрс. Монгол Улс уг  жагсаалтын 23 дугаарт эрэмбэлэгджээ.