Иорданы иргэнийг хэрцгийгээр хөнөөж байгаа энэхүү бичлэг нь өнгөрсөн шөнө цацагдсан бөгөөд үүний дараахан Иорданы хаан АНУ-д хийж байсан айлчлалаа цуцалж, эх орон руугаа буцсан байна.

Тэрээр цэргийнх нь амийг хөнөөсний хариуг Исламын улсын хэт даврагчдад хатуухан өгнө гэдгээ мэдэгджээ. Болсон явдалтай холбогдуулан Иордан иргэдийн уур бухимдал дээд цэгтээ хүрч Засгийн газраас алан хядагчдыг хөнөөхийг шаардан жагсаал зохион байгуулж бөгөөд амиа алдсан нисгэгч Моаз аль Кассабехыг үндэсний баатарт өргөмжилсөн уриа лоозон барьж жагсчээ.

Моаз аль Кассабех дөнгөж 26-хан настай ой өнгөрч яваа хүүтэй байсан бөгөөд түүний гэргий нь улс орныхоо төлөө, хүн төрөлхтөний сайн сайхны төлөө албан үүргээ гүйцэтгэж байсан нөхөр минь ингэж харамсалтайгаар амиа алдсанд итгэхэд бэрх байна гэж хэлжээ.