86 кг-ийн жинд барилдсан ОУХМ П.Өсөхбаатар нэгдүгээр тойрогт Тайландын бөх Метее Тепакомтай зодоглож 11:0 онооны харьцаагаар өрсөлдөгчөө буулгаж авсан ч БНСУ-ын бөхөд 6:10-аар хожигдлоо.

125 кг-ийн жинд хүч үзсэн ОУХМ Ж.Чулуунбат нэгдүгээр тойрогт Арабын Нэгдсэн Эмират Улсын Мохаммед Салемтай хүч үзэж, 32 секундэд цэвэр хожсон. Түүнийг дараагийн барилдаанд Ираны тамирчин илүүрхэж 0:4-өөр ялав.

61 кг-ийн жинд барилдсан ОУХМ Т.Түвшинтулга нэгдүгээр тойрогт Энэтхэгийн бөх, ДАШТ-ий хүрэл медальт Баржанганд ялагдав. Т.Түвшинбат 5-5 онооны харьцаатай тэнцсэн ч сүүлийн оноогоор ялагдсан юм.

74 кг-ийн жинд зодоглосон ОУХМ Д.Гомбодорж нэгдүгээр тойрогт Өмнөд Солонгосын бөх Сангкю Литэй барилдаж  ялагдсан байна.

                                                                                                                                  Г.Золзаяа