Өчигдөр орой Египетийн хойгт бас нэгэн дэлбэрэлт гарч 26 хүний амийг хөнөөсөн хэрэг гарлаа. Тус халдлагыг Исламын улсыг дэмжигч Ансар аль Макдис гэх бүлгэмийнхэн үйлджээ. Алан хядагчид Египетийн Эль Ариш хотноо байрлах цэргийн баазын цэргүүдийн байрладаг дотуур байрны гаднах авто машинд их хэмжээний тэсрэх бөмбөг суурилуулсан байжээ. Үүний уршгаар 26 хүн нас барж тэр хэмжээний хүн шархдаад байгаа юм. Халдлагыг Исламын улсыг дэмжигч хэт даврагчид зохион байгуулсан нь тодорхой болсны  дараа Египетийн ерөнхийлөгч Мухамед Мурси Исламын улсынхны үйлдлийг буруушааж, гэмт этгээдүүдийг илрүүлэн шийтгэхээ мэдэгджээ. Ийнхүү лалын улсынхан өнгөрсөн долоо хоногт Японы иргэдийг барьцаалсан дуулиан намжаагүй байхад бас нэгэн террорист халдлага үйлдсэн нь дэлхий дахиныг цочирдууллаа. Тэд барууны орнуудад халдлага дахин үйлдэнэ хэмээн заналхийлээд  байгаа билээ.