Жил бүр БНХАУ-ын зүүн хойд мужид байх Харбин хотод цас, мөсний олон улсын наадам болдог. Энэ наадмаас ер бусын гайхалтай, сонирхолтой асар том мөсөн баримлуудыг харах боломжтой юм. Өнгө өнгийн гэрлээр чимэглэсэн уран баримлуудыг шөнө харахад дуу алдан биширмээр байдаг гэнэ. Нэгдүгээр сарын 5-нд нээлтээ хийж бүтэн сарын турш үргэлжилдэг олон улсын мөсний наадмыг үзэж сонирхохоор хэдэн сая жуулчид ирдэг байна. Өвлийн аялал жуулчлалыг хөгжүүлэх зорилгоор Монголдоо ч ийм наадмыг зохион байгуулж болмоор санагдах юм.