"Зуншин" компанийн барьж байгаа барилгаас 18 настай охин унаж нас барсан харамсалтай хэрэг саяхан гарсан. Тэгвэл МХЕГ-аас Зуншин компанийн хоёр барилгын  үйл ажиллагааг зогсоосон байна. Тодруулбал, Баянзүрх дүүргийн 26 дугаар хорооны нутаг дэвсгэр, Олимп хотхоны баруун тал дахь 18 настай оюутан охин унасан барилгын ажлыг зогсоожээ.

Мөн Сүхбаатар дүүргийн нэгдүгээр хороо, нэгдүгээр сургуулийн урд тал дахь "Зуншин" компанийн барьж байгаа "Болор мэлмий" үйлчилгээ, орон сууцны барилгын ажлыг зогсоосон байна. Эдгээр барилгыг МХЕГ-аас хөдөлмөрийн аюулгүй ажиллагаа зөрчигдсөн, шаардлага хангаагүй гэж дүгнэсэн байна.

Б.Хаш