Говь-Алтай аймгийн Иргэдийн төлөөлөгчийн хурлаас мэргэжлийн 70 дахь ёкозүна Харүмафүжи Д.Бямбадоржийг аймгийнхаа хүндэт иргэнээр өргөмжлөхөөр болсон гэнэ.

ИТХ-ын дарга А.Дэлгэржаргал захирамждаа “Мэргэжлийн сүмогийн ертөнцөд Монгол Улс болон Говь-Алтай аймгаар цоллуулж, орон нутгаа дэлхийд сурталчилахад үнэтэй хувь нэмэр оруулахын зэрэгцээ төрсөн нутаг Чандмань сумандаа хүмүүнлэгийн бүтээн байгуулалтын олон ажил хийж гүйцэтгэсэн сүмо бөхийн 70 дахь их аварга Харүмафүжи Д.Бямбадоржийг “Аймгийн хүндэт иргэн” шагналаар шагнасугай” хэмээжээ. 

Харүмафүжи энэ оны Хацү башёг 11 даваа, дөрвөн унаатайгаар өндөрлүүллээ.