Чех улсад албан ёсны айлчлал хийж дараа нь Швецарийн Давост Эдийн засгийн  форумд оролцсон Ерөнхийлөгч Ц.Элбэгдорж өчигдөр орой эх орондоо хөл тавив. Тэрээр Истанбулын онгоцоор Улаанбаатарт газардсан бөгөөд нэг онгоцныхоо зорчигчдоо нэлээд бухимдуулаад авчээ. Учир  нь өглөө 10 цагт Улаанбаатарт буух ёстой онгоцыг Ерөнхийлөгч маань 6  цаг орчим саатуулж бусдыгаа хүлээлгэснээс ийнхүү нислэг нэлээд хойшилсон аж. Олон  цаг хүлээсэн зорчигч болоод өглөөнөөс хойш онгоц буух цаг сурагласан ар гэрийнхэн нь өчигдөр Чингис хаан олон улсын нисэх буудалд бухимдалтай байв.