АНУ-ын холбооны мөрдөх товчооныхон өчигдөр тус улсад орогнож байсан ОХУ-ын тагнуулыг илрүүлсэн байна. Эх сурвалжийн мэдээлж байгаагаар холбооны мөрдөх товчооныхон 39 настай Евгений Буряков гэгч этгээдийг баривчлан саатуулаад байгаа бөгөөд түүнээс гадна хоёр тагнуулыг эрэн сурвалжилж байгаа аж. Тэд АНУ-д байгаа юу эсвэл хил давсан эсэх талаар мэдээлэл одоогоор тодорхойгүй байгаа аж. Тагнуулууд АНУ-д орогнон тус улсын эдийн засгийн бодлогын нэгдсэн төлөвлөгөө, банкны нууц материалуудыг судалж ОХУ руу дамжуулж байсан нь тодорхой болсон байна. Евгений Буряковын өмгөөлөгчөөр одоогоор америк өмгөөлөгч ажиллаж байгаа бөгөөд Оросын талтай харилцан хэлэлцээр хийсний дүнд өмгөөлөгчийг солих юм байна.