Шанхайн хамтын ажиллагааны байгууллагуудын 10 дугаар чуулган ирэх гурав дугаар сард ОХУ-ын Ханты Мансиск хотод зохион байгуулагдахаар болжээ. Өнгөрсөн удаагийн чуулган нь Тажикстаны Душанбей хотноо болж байсан юм. Энэ удаагийн чуулганд ШХАБ-аас Энэтхэг болон Пакистан улсыг оролцохыг урьсан нь өмнөх чуулгануудаас онцлогтой болох юм хэмээн албаныхан онцолж байна. ШХАБ нь  Шанхайн тавын бааз суурь дээр 2001 онд байгуулагдсан байна. 2000 оноос Шанхайн форум болсон Шанхайн тавын бүрэлдэхүүнд Орос, Хятад, Казахстан, Киргиз болон Тажикистан улс орж байв. Харин өнөөдрийн байдлаар ШХАБ нь ОХУ, Хятад, Казахстан, Киргиз, Тажикистан болон Узбекстан гэсэн зургаан гишүүн улстай. Монгол, Энэтхэг, Иран, Пакистан болон Афганистан нь тус байгууллагад ажиглагчийн статустай билээ. Пакистан болон Энэтхэг ШХАБ-д гишүүнээр элсэх албан ёсны хүсэлтээ 2014 оны есдүгээр сард гаргасан учраас энэ удаагийн форумд албан ёсоор уригдсан байна.