Драмын урлагт сэтгэл татагдсан хэсэг залуучууд нэгдэн “Бид театрт хайртай” клуб үүсгэн байгуулжээ.Тэд үзсэн жүжгийнхээ талаар хоорондоо ярилцах, театрын урлагийг хэн нэгэн урлаг судлаачийн үгээр бус өөрийнхөө үзэл бодлоор үнэлж дүгнэн, үзэгчийн байр сууриа хуваалцахыг хүссэн тул ийн нэгдсэн аж.

Одоогоор тус клуб энэ төрлийн нэлээд хэдэн удаагийн уулзалт амжилттай зохион байгуулаад буй. Цахим хуудас дээрээ 5000 гаруй дагагчтай, групптээ 2500 гаруй гишүүнтэй болсон залуус өөрсдийн үйл ажиллагаагаар дамжуулан олон ажил эхлүүлээд байна. Тухайлбал энэ жил клубийн гишүүдээ албан ёсны гишүүнчлэлтэй болгох, тэдэнд зориулсан зорилтот нэвтрүүлэг бэлтгэн хүргэхээр төлөвлөжээ.