Виктория секретийн үзэсгэлэнт сахиусан тэнгэрүүд энэ оны анхны тэсрэлтээ хийхээр бэлтгэлдээ оржээ. Тэд 2015 оны хамгийн анхны шоугаа ирэх сард гэгээн валентины баяраар толилуулах бөгөөд энэ шоуныхаа рекламын үеэр хөл бөмбөг тоглож байгаа үзүүлбэр үзүүлжээ. Үүнтэй холбоотойгоор энэ жилийн валентины баяраар сахиусан тэнгэрүүд илүү спортлог шинжтэй дотуур хувцасны шоу үзүүлэхээр бэлдэж байгаа талаар цуурхал тарж эхэлсэн байна. Виктория Секрет брэнд 2008 оны валентины баяраас хойш валентины шоу зохион байгуулаагүй учраас энэ жилийн шоунд ихээхэн ач холбогдол өгч байгаа аж. Тиймээс энэ удаагийн шоуны рекламыг содон шийдлээр хийсэн нь энэ аж.