Монголын Морин Спорт Уяачдын Холбооны хавар цагийн анхны бүсийн уралдаан "Дүнжингаравын хурд" хоёрдугаар сарын 22-нд буюу хаврын тэргүүн сарын шинийн дөрвөнд болно.

Харин дараагийн уралдаанууд  Дорноговь, Сэлэнгэ аймагт шинийн 10-нд болохоор товлогджээ.

Зуны бүсийн уралдаануудын зүүн бүс Сүхбаатарт, говийн бүс Өмнөговьд, төвийн бүс Өвөрхангайд, хангайн бүс Булганд, баруун бүс Увс аймагт тус тус зохион байгуулагдахаар болсон байна.

Энэ жил ММСУХ-ны 20 жилийн ой тохиож байгаа тул түүхт ойн нэрэмжит "Боржигон" уралдааныг Төв аймгийн Баянжаргал сумын нутагт наймдугаар сарын 8, 9-нд зохион байгуулахаар төлөвлөж буй. Тус холбооноос зохион байгуулдаг "Хангарьд" уралдааныг бүсийн статустай болгох талаар ярилцаж, тавдугаар сарын сүүлчээр зохион байгуулах гэнэ.

                                                                                                                                  Г.Золзаяа