Иргэний харьяалал, шилжилт хөдөлгөөний ерөнхий газраас өнгөрсөн 9 сарын байдлаар 1090 гадаад иргэнийг албадан буцаажээ. Тэдгээрийн дийлэнхи нь БНХАУ, БНСУ, ОХУ, БНАСАУ-ын иргэд бөгөөд ирсэн зорилгоосоо өөр үйл ажиллагаа явуулсан, зөвшөөрөлгүй хөдөлмөр эрхэлсэн, визийн хугацаа хэтэрсэн зэрэг зөрчилтэй байсан байна.  ИХШХЕГ-ын  мэргэжилтний хэлснээр зам, барилгын  салбарт ихэвчлэн хууль зөрчсөн гадаадын иргэд ажилладаг аж. Гадаадын иргэдийг хууль зөрчин ажиллуулсан аж ахуйн нэгжүүдэд 662.6 сая төгрөгийн мөнгөн торгууль ногдуулсан байна.