АНУ даяар H3N2 томуугийн вирус газар авч олон хүүхдийн амь насанд хүрээд байна. Энэхүү томуугийн вирус нь ямар ч антибиотикд тэсвэртэй байгаа нь эрүүлийг хамгаалахын ажилчдыг сандаргаж байгаа аж. Гэхдээ энэ бүхэн томуугийн тархалтаас биш АНУ даяар томуугийн вакцины үр дүн муу байгаагаас болж үүдсэн хэмээн мэргэжилтнүүд дүгнэж байгаа аж. Учир нь вакцинжуулалтын ердөө 23 хувь нь үр дүнтэй болжээ.

Одоогийн байдлаар H3N2 томуугийн вирус АНУ-ын 46 мужид тархаад байгаа бөгөөд энэ сар гарсаар 65 хүүхдийн аминд хүржээ. Хүүхдүүд удаан хугацааны турш өндөр халуурсны улмаас нас барсан байна. Ханиадны вирус хувирах чадалтай, тэсвэртэй учраас эмчилгээнд дарагдахгүй байна. Вирус жилээр бус сар, сараар хувьсан өөрчлөгдөж байгаа нь вакцинжуулалтыг үр дүнгүй болгож байна. Тиймээс бид вакцинаа хүртэл энэ дагуу өөрчлөх шаардлагатай гэсэн үг. Бид энэ вирусийн эсрэг эмчилгээг нэн яаралтай гаргахаар ажиллаж байна хэмээн тус улсын эрүүл мэндийн мэргэжилтнүүд мэдэгдлээ.