Сар шинийн баярыг угтаж нийслэлийн есөн дүүрэгт үйл ажиллагаа эрхэлж буй аж ахуйн нэгж, иргэд, үзэсгэлэн худалдаануудад НМХГ-аас хяналт шалгалт хийхээр болжээ. Шалгалтанд хэвийн боов, бууз, банш, хиамны үйлдвэрүүд, үзэсгэлэн худалдаа зохион байгуулж буй худалдааны төв, агуулах, хүнсний дэлгүүрүүд хамрагдах аж. Шалгалтыг өчигдрөөс эхлүүлсэн бөгөөд хоёрдугаар сарын 15 хүртэл үргэлжлүүлэх юм байна.

Баяр болох гэж байгаатай холбогдуулан иргэдийг худалдан авах гэж байгаа бараа бүтээгдэхүүний хугацааг шалгаж, сав баглаа боодлын бүрэн бүтэн байдлыг шалгах, хүн хүний гар дээрээс хаана хэн үйлдвэрлэсэн нь тодорхойгүй хүнсний бүтээгдэхүүн худалдан авахгүй байхыг НМХГ-аас  анхаарууллаа. 

Б.Сувд