П.Шастины нэрэмжит Улсын төв III эмнэлэг тархиын нарийн шинжилгээ хийх, тархины судасны хагалгааг хийх боломжтой болжээ. Тодруулбал тус эмнэлэг ДЭМБ, Мянган  хөгжлийн сорилтын сангийн санхүүжилтээр доплеграмын хамгийн сүүлийн үеийн аппараттай болсон байна. Ингэснээр тархины нарийн шинжилгээг эх орондоо авч, өмнө нь гадаад өндөр үнээр хийдэг байсан тархины судасны хагалгааг үнэ төлбөргүйгээр хийж эхэлжээ. 12 дугаар  сарын 08-наас хойш 13 хүнд хагалгаа хийсэн бөгөөд одоогоор өвчтөнүүдийн биеийн  байдлыг хянаж байгаа ажээ.