Б.Чинзоригийн тоглолтоор эхэлсэн боксчдын ялалтын салхийг гавьяат тамирчин Н.Төгсцогт амжилттай үргэлжлүүллээ.

Тэрбээр гоц мөргөн 16-д үлдэж, 56 кг-ийн жинд Туркменистаны Я.Мередовтой нударга зөрүүлж 3:0 оноогоор сөхрүүлэв. Түүнийг хожиж шөвгийн наймд үлдсэн манай тамирчин хүрэл медалийн төлөө БНСУ-ын боксчин Хам Сан Мёнтой тулалдана.

Хам Сан Мён хойд Солонгосын өрсөлдөгчөө мөн л  3:0-ийн харьцаагаар хожиж, шөвгийн наймд шалгарсан юм. Энэ жинд хүч үзэж буй Ази тивийн хоёр хүчтэй тамирчны чухам хэн нь рингэд хожихыг  үзэгчид тэсэн ядан хүлээж байна. 

                                                                                                                                       Г.Золзаяа