Өчигдөр өглөө бас нэгэн сонины газар халдлагад өртсөн хэрэг гарлаа. Хэрэг Германы Хамбург хот дахь “Хамбург морнинг пост” сонинын байранд гарсан бөгөөд гэмт этгээдүүд сонины газар руу бөмбөг шидэж,  гал тавьсан аж.

Халдлагын улмаас азаар хүний амь эрсдээгүй бөгөөд цагдаа нар хэрэгтэй холбогдуулан хоёр сэжиг бүхий эрэгтэй барин саатуулж шалгалт явуулж эхэлсэн байгаа юм байна. Шинжээчид уг халдлагыг “Хамбург морнинг пост” сониныхон "Charlie Hebdo"-ийн зургийг хэвлэсэнтэй холбон  тайлбарлаж байна. "Charlie Hebdo" сэтгүүл ислам, католик, жүүдийн шашин  болоод улстөрийн сэдэвтэй шог зураг нийтэлдэг юм. Өнгөрсөн долоо хоногт Парист аймшигт халдлага гарсны дараахан “Хамбург морнинг пост”  "Charlie Hebdo"-ийн зургийг нийтэлсэн аж.

Шог зургийг нийтэлсэн өөр хоёр ч сонинг цагдаа нар хамгаалалтдаа авчээ.