БНХАУ-ын Харбин хотод энэ сарын 6-8-нд зохиогдсон олон улсын мөсөн сийлбэрчдийн  29 дахь удаагийн тэмцээнд Монголын уран сийлбэрчдээс Д. Мөнхтуул, Б.Отгонжаргал нар амжилттай оролцож, “Бөртө чоно”, “Гоо марал” бүтээлээрээ гуравдугаар байр эзлэв.

Тус тэмцээний best skill ур чадвартай хэмээх шагналыг Д.Цэрэнбат, Х.Батбаатар нар “Аюулууд” бүтээлээрээ хүртжээ. Энэ тэмцээнд 12 орны 80 гаруй уран бүтээлч мөсний төрлөөр бүтээл урлан өрсөлдсөн байна.

Тэд үргэлжлүүлээд энэ сарын 10-14-нд болох 20 дахь удаагийн цасан сийлбэрийн тэмцээнд оролцохоор зэхэж буй.Тэмцээнд Монголоос найман уран сийлбэрч оролцож, олон орны сийлбэрчидтэй авьяас, ур чадвар,мэдрэмж, туршлагаа сорих гэнэ.

                                                                                                                              Г.Золзаяа