Антропологийн ухааны профессор, Массачусетсийн Технологийн хүрээлэнгийн судлаач Б.Мандухай АНУ-ын антропологийн холбооны ерөнхийлөгч асан, эрдэмтэн Фрэнсис Л.К.Сүгийн нэрэмжит шагналын эзэн болжээ.

Англи хэлээр хэвлүүлсэн хүн судлалын салбарт чухал хувь нэмэр оруулсан шилдэг номд Зүүн Азийн Антропологийн нийгэмлэгээс Фрэнсис Л.К.Сүгийн нэрэмжит шагнал олгодог аж.

Б.Мандухай “Tragic Spirits: Shamanism, memory, and gender in contemporary Mongolia” нэртэй коммунизмаас либерал капитализм руу шилжих явцад бөө шүтлэг  хэрхэн эргэн сэргэж буй тухай судалсан номоороо шалгарсан юм.

Сонирхуулахад  Массачусетсийн Технологийн хүрээлэнгийн дэргэдэх Хүмүүнлэг соёл урлаг, нийгмийн шинжлэх ухааны их сургуулиас түүнд өнгөрсөн онд Левитаны нэрэмжит  хүмүүнлэгийн шагнал, 25 мянган ам долларын судалгааны тэтгэлэг олгосон билээ.
 

                                                                                                                             Г.Золзаяа