Хойд Солонгос өнгөрсөн оны сүүлээр Sony entertainment-аас үзэгчдийн хүртээл болгохоор бэлдэж байсан “The interview” киног нь хулгайлж, кибер халдлага хийсэн билээ. Энэхүү үйлдлээс нь болж тус улсад АНУ хориг арга хэмжээ авсан төдийгүй, ерөнхийлөгч Ким Жон Ун-ыг хүний эрхийг ноцтой зөрчсөн хэмээн үзэж шүүхэд дуудахаар хэлэлцэж эхэлсэн. Олон улсын ажиглагдын зүгээс Хойд Солонгост 3000 орчим кибер мэргэжилтэн байгаа хэмээн мэдэгдэж байсан ч тус улсад үүнээс хоёр дахин их буюу 6000 хол давсан, хэт өндөр түвшинд бэлтгэгдсэн кибер мэргэжилтэн байдаг хэмээн Өмнөд Солонгосын баттай эх сурвалж мэдээлж байна. Өмнөд Солонгосын зүгээс тэдгээр мэргэжилтнүүдийг маш өндөр түвшинд бэлтгэгдсэн гэдгийг онцолсоор байгаа аж.