Дэлхийд алдартай Apple компани өнгөрөгч оны сүүлээр ухаалаг үзэг үйлдвэрлэх албан ёсны эрхээ гардан авсан байна. Энэ удаад тэд ухаалаг үзэг үйлдвэрлэн тэсрэлт хийхээр төлөвлөж байгаа бөгөөд энэхүү үзэг нь хэрэглэгчийн бичиж тэмдэглэсэн зүйлийг хадгалах чадвартай юм байна. Ухаалаг үзэгний мэдээллийг утасгүй сүлжээ ашиглан бусад төхөөрөмжүүдэд шилжүүлэх боломжтой бөгөөд хэрэв та хүсвэл хоосон орой зай, маш жижиг талбай, цаасгүй үед ч гэсэн ухаалаг үзгээ ашиглан тэмдэглэл хийх боломжтой аж. Түүнчлэн таны бичиж тэмдэглэсэн зүйл комьпютерт текст хэлбэрээр орох учраас та өөрийн тэмдэглэлээ дахин шивж цаг заваа алдах шаардлаггүй болж байгаа юм.