Индонезийн сүйрсэн онгоцны эрлийн ажиллагаа үргэлжилсээр байна. Хамгийн сүүлийн  мэдээллээр металл илрүүлэгч ашиглан тэнгисийн гүнд 2 том металл хэсэг олоод байгаа бөгөөд онгоцны цонхны хэсэг байж магадгүй гэж үзэж байна. Алсын удирдлагатай төхөөрөмж металл хэсгүүдийн анхны зургийг илгээгээд байгаа юм байна.

Үүнээс гадна 30 зорчигчийн цогцсыг олсон бөгөөд үүнээс онгоцны үйлчлэгч тэргүүтэй 4 цогцсыг таньсан байна.

Осолдсон онгоцны үйлчлэгч

Мөн Ява тэнгисийн Каримата хоолойн ойролцоо шатахуун асгарсан  байдалтай байгааг эрлийн  багийнхан илрүүлжээ.

Онгоцны хар хайрцагийг хайсаар байгаа бөгөөд үүнд Франц болон ОХУ-н тал дэмжлэг үзүүлж байгаа юм байна.