Grey goose архийг хуурамчаар хийж борлуулсан хэрэг гарсан тул иргэдийг анхаарал сонор сэрэмжтэй байхыг цагдаагийн байгууллагаас анхаарууллаа. Тодруулбал, Сонгинохайрхан дүүргийн 2-р хороонд оршин суугч, 25 настай, эмэгтэй, иргэн Б Баянзүрх дүүргийн 14-р хороо Нарантуул Олон улсын худалдааны төв дээр GREY GOOSE архийг хуурамчаар үйлдвэрлэн зарж борлуулж байсныг Хамгаалалтын газрын Тусгай хамгаалалтын газрын алба хаагчид илрүүлэн шалгаж эхэлсэн  байна.

Мөн хуурамч архи худалдан авч хэрэглэсний улмаас эрүүл мэндээрээ хохирсон иргэн цагдаагийн байгууллагад ханджээ.  Гар аргаар хүний биед хор хөнөөлтэй хуурамч архи үйлдвэрлэх тохиолдол одоо ч байгааг цагдаагийн байгууллагаас сэрэмжлүүлэв.