Индонезийн Сурабая хотоос Сингапур хүрэх “AirAsia Indonesia” компанийн “QZ8501” нислэг өнгөрсөн ням гаригийн /XII.28/ өглөө Ява тэнгист унаж сүйрсэн юм. Эрлийн  багийнхан одоогоор 10  хүний цогцсыг тэнгисээс олоод  байгаа бөгөөд онгоцны үйлчлэгч Хаяати Лутфиа Хамидыг хурууны хээгээр нь таньж гэр бүлийнхэн нь өчигдөр Индонезийн Сурабая хотод нутаглуулсан байна. Бусад цогцсыг  таниулахаар ажиллаж, хохирогчдын гэр бүлийнхнээс ДНК-ийн шинжилгээ авчээ.

Онгоцны үйлчлэгчийн оршууллаа

Одоогоор онгоцны хар хайрцагийг хайх ажиллагаа үргэлжилсээр байгаа бөгөөд Францын тал үүнд туслалцаа үзүүлж хайгчдаа илгээсэн  байна. Амь үргэсдэгсдийн цогцсыг олсон газраас ойролцоогоор 2000-3000 мерт орчмоос хар хайрцаг олдоно гэж эрлийнхэн үзэж байгаа ажээ.  Онгоцны хар хайрцаг 30 хоног цэнэгээ барина гэж “AirAsia Indonesia” компанийнхан мэдэгдэж байна.

Сүүлд олдсон онгоцны хэсэг