Өмнөд, Хойд Солонгос сүүлийн 60 жилийн түүхэнд тохиогоогүй дээд хэмжээний уулзалт хийх бололтой. 1950-1953 оны дайнаас хойш тусгаарлагдаж ойлголцолд  хүрч чадалгүй өдийг хүрсэн хоёр Солонгос ийнхүү түүхэн дээд хэмжээний уулзалт хийх аж. Энэ талаар Умард Солонгосын удирдагч Ким Чен Ун оны өмнө хийсэн мэдэгдэлдээ дурджээ. Энэ талаар Умард Солонгосын Пхеньян дахь хэвлэлийн төлөөлөгч Рёо Кил Жай-ын мэдэгдэж байгаагаар ирэх онд хоёр улс батлан хамгаалахын салбарт хамтран ажиллаж магадгүй гэсэн байна. Түүнчлэн хэдэн жилдээ нэг удаа зохион байгуулдаг тусгаарлагдсан гэр бүлийнхнийг уулзуулдаг уулзалтын горимд өөрчлөлт оруулж илүү уян хатан зөөлөн байх тал дээр хэлэлцэх аж. Ямартай ч хоёр Солонгосын удирдагчид энэ онд дээд хэмжээний уулзалт хийвэл энэ нь түүхэн уулзалт байх нь гарцаагүй юм.