Дэлхийн хүний эрхийн байгууллагаас гаргасан судалгаагаар өнгөрсөн 2014 оны хувьд хүний эрх хамгийн ихээр зөрчигдөж олон хүнийн амь нас эрсдсэн газраар Сири улс тодорчээ. Харин удаах байранд нь Ирак болон лалын мөргөлдөөн үргэлжилсээр байгаа Палестин, Израиль улсууд орсон бол үхлийн аюулт Эбола вирус тархсан Баруун Африкийн орнууд дараагийн байранд нь орсон байна. Сирийн хувьд гурван жил дамнан үргэлжилсээр байгаа иргэний дайны улмаас нийтдээ 210 гаруй мянган хүн амь эрсэдсэн гэсэн тоо гарсан бөгөөд 2014 онд 76 мянган хүн амиа алджээ. Энэ нь тус улсын түүхэнд байгаагүй тоо  бөгөөд тэдний 17000 орчим нь энгийн иргэд, 3500 нь насанд хүрээгүй хүүхдүүд байжээ.