МХБХ-ны Ээлжит Их хурал 2015 оны хоёрдугаар сарын 27-нд болох нь. Уг хурлаар МХБХ-ны Ерөнхийлөгч, дэд Ерөнхийлөгч, Гүйцэтгэх хорооны гишүүдийг сонгох аж.

Тус холбооны дүрмийн 27-р зүйл, сонгуулийн дүрмийн 10-р заалт, сонгуулийн хорооны хурлын шийдвэрийг үндэслэн МХБХ-ны Ерөнхийлөгч, дэд Ерөнхийлөгч, Гүйцэтгэх хорооны гишүүдэд нэр дэвшигчдийг өчигдрөөс эхлэн бүртгэж эхэллээ. Ерөнхийлөгчийн үүрэг гүйцэтгэгч А.Ганбаатарын шийдвэрээр МХБХ-ны санхүүгийн тайланд аудитын шалгалт хийгдэж, Ерөнхий нарийн бичгийн дарга Д.Ганбатыг хүсэлт гаргасных нь дагуу үүрэгт ажлаас нь чөлөөлөн Ө.Шижирийг  түр үүрэг гүйцэтгэгчээр томилсон. Мөн МХБХ-ны гадаад харилцааны захирал Л.Маяагийн оронд гадаад харилцааны хэлтсийн мэргэжилтэн С.Монголжингоог түр үүрэг гүйцэтгэгчээр томилон ажиллуулж байгаа билээ.

                                                                                                                                 Г.Золзаяа