Энэтхэг улсын Мумбай хотод болсон бодибилдинг,фитнессийн ДАШТ-д оролцсон Монголын тамирчдаас эрэгтэйчүүдийн 85 кг-ийн жинд мистер Ж.Нурлан 41-ээс дээш насны мастер ангилалд түрүүлэн анх удаа Дэлхийн аваргын цом гардаж, нутаг нэгтнүүдээ баярлуулсан билээ.

Тэгвэл түүний амжилт, олон жил хөдөлмөрлөсөн хөдөлмөрийг үнэлж, Төр засаг Хөдөлмөрийн гавьяаны улаан тугын одонгоор шагнахаар болжээ.

Тэрбээр 1991 оноос эхэлж бодибилдинг фитнессийн спортоор хичээллэж, 2004, 2005, 2006, 2012 оны УАШТ-нд үнэмлэхүй аварга "Монголын Мистер", 2012 оны Азийн АШТ-ээс шагналт V байр, 2013 Азийн АШТ 85 кг-жинд хүрэл медаль хүртэж байв. 

                                                                                                                                 Г.Золзаяа